Cabugao, Ilocos Sur – Maang-angay ti maikatlo a lawas a panagsanay dagiti napili nga Atleta a mapan makisalip iti Region 1 Athletic Association (RIAA) 2016 Competition idiay Probinsia ti Pangasinan inton Pebrero 21-27, 2016.
Maar-aramid ti panagsanay iti Cabugao Athletic Oval (Freedom Park) kasta pay a mausar dagiti dadduma nga Sports Facilities ti ili a kas iti Cabugao Cultural and Sports Complex , Brgy. Bonifacio Covered Court ken iti Cabugao Central Park (CCP) Basketball Court.
Iti pannakiuman ti Web In-Action ken ni Mr. Rino Taoagen, Tournament Manager, Softball, Region 1 ket napintas ti pannakaisagana ken nagdur-asan dagiti pagsansanayan dagiti Atleta ket adu ti dimmur-asan iti kapabilidad dagitoy Atleta a nasanay a maisangal kadagiti event idiay RIAA Meet.
Kinuna met ni Mr. Rolando Mapalo, Taekwondo Tournament Manager, nga agresulta met iti nasayaat ti naaramid a 21 days intensive training-da maibilang iti aldaw ti Sabado ken Domingo, malaksid iti oras ti religious obligation nga oras dagiti Atleta ken Training Staff kadayta nga aldaw.
Innayonna a maar-aramid met daytoy iti dadduma a Probinsia a kas iti Ilocos Norte, Pangasinan ken La Union kadagiti mangbukel a Division iti uppat a Probinsia iti Rehion Uno nga agsasalip iti RIAA 2015 Competition.
Dagiti pakabuklan ti Division ket iti Laoag City, Batac City, Ilocos Norte Division, Ilocos Sur Division, Vigan City, Candon City, La Union Division, San Fernando City, Pangasinan 1 – Central & Western (San Carlos City, Dagupan City, Alaminos City); Pangasinan 2 –Eastern (Urdaneta City) ken iti Pangasinan Division.
Idauluan ni Mr. Meneleo Palma, CSEE, Education Program Supervisor 1, MAPEH ken PESS Ilocos Sur Division Coordinator dagiti Sports Officials/Coaches/Trainors a kaaduan a mangisursuro dagitoy ken agsansanay nga ubbing.
Dagiti sports event a pagsanayan dagiti ubbing ket iti Archery, Arnis, Athletics (running, throwing ken jumping), Badminton, Baseball, Basketball, Boxing, Chess, Football (Soccer), Gymnastics, Lawn Tennis, Sepak Takraw, Softball, Table Tennis, Taekwondo, ken Volleyball (Men & Women)
Iti pannakiuman ti Web In-Action kadagiti kaaduan nga Athletes ken Coaches itay nabiit, ket kunada a determinadoda a mangileppas iti panagsanayda para iti mapaspasangasangan a RIAA 2016. # (Web Situational Report)
No comments:
Post a Comment