Cabugao,, Ilocos Sur - Naangay ti miting dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan itay nabiit iti 2nd Floor, Municipal Building, Cabugao, Ilocos Sur.
Segun ken ni Mrs. Ester P. Aguimbag, Municipal HVCDP Coordinator nga umaboten ti 40 dagiti Miembros iti nasao nga Asosasion.
Kangrunaan a napagpapatangan ditoy ti panagbayadda iti Annual Fee-da ita a Tawen 2016 a mainayon iti revolving fund ti nasao nga asosasion.
Naballigi pay a trinatarda dagiti dadduma a pakaseknanda iti uneg ti asosasion-da a pangpatibker ti gimongda.
Dagitoy nga aksion ken inisiatiba ket parte iti panangparegta ti LGU Cabugao iti panagpatanor ti nateng partikular ti bawang ken lasona ditoy Munisipalidad ti Cabugao tapno manayonan ti matgedan dagiti mannalon ken agtultuloy a maital-o ti kasasaad ti panagbiagda. # (Web In-Action)
No comments:
Post a Comment