Cabugao, Ilocos Sur – Nasapa a naaramid ti Ex-COMELEC Chairman VICTORINO A. SAVELLANO MEMORIAL RUN idi Pebrero 13, 2016 (Sabado) a nagpartisiparan dagiti umili ti Cabugao ken naggapu iti dadduma nga ili iti Probinsia ti Ilocos Sur ket tinarayda ti 5-10 Kilometro manipud iti CI Compound (Starting-Finish Line) agingga iti Brgy.Turod- Brgy. Salomague kas panagsaganadda. Naaramid ti awarding dagiti nangabak ti Memorial Run iti Cabugao Institute babaen iti panangiwardas ni Dr. Cesar Soller, DVM, Dean ken Farm Manager ti ISCC-Barang-ay Farm, Brgy. Labnig, San Juan, Ilocos Sur.
Daytoy a pataray ket tinawen a maar-aramid a kas pammadayaw iti lagip ken ni Ex-COMELEC Chairman Victorino A. Savellano nga es-esponsoran ni Vice Governor Deogracias Victor “DV” B. Savellano ken ti Pamiliana.
Nagsarita met ni SBM Atty. Bryan Jett S. Pano, Committee Chairman on Sports ket kinomendaranna dagiti Runners a nakipartisipar ken nangabak kasta metten iti Management iti pannakaipromot ti kastoy a pakontes a mangitandudo ti panaglalangen ken iti panangpasalun-at iti pisikal a bagi.
Nakikaysa pay ni Punong Barangay Carlos V. Sison ti Barangay Baclig iti Awarding Ceremony kasta metten dagiti kameng ti Medics ti RHU-Cabugao ken ti Cabugao Elite Riders Club iti nasao a Memorial Run.# (Web In-Action)
No comments:
Post a Comment