CORN FARMERS GRADUATION TI BRGY. BATO, NAANGAY

Cabugao, Ilocos Sur – Naangay ti Field Day and Graduation ti Season-Long Farmers Field School of Local Farmer Technician   on Sustainable Corn Production ti 26  a nagadal a mannalon (Farmer- Partners) iti Barangay Nagsantaan idi Pebrero 16, 2016 iti Barangay Hall, Barangay Bato, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, Agricultural Training Institute (DA-ATI)  ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU a tinarawidwidan da  Mr. Obas Bill Y. Baclig, AT,  Mr. Henry B. Saliganan ken ni Mr. Bert Vicente, agpada a Local Farmer Technician. 

Immuna iti Field Visitation and Viewing of Exhibits.

Iti naangay a programa, indauluan ni Ms. Jane A. Baclig,  FFS Participant ti panglukat a kararag. 

Pammasangbay a balikas ti inakem ni Brgy. Captain Silvano Naval Jacob. Pinagyamananna iti DA-RFO 1  ken ti LGU-Cabugao  ken kakaduana pay nga Ahensia a kas iti ATI ken OPAG-Ilocos Sur kadaytoy a nagun-od dagiti mannalon a kalugaranda. Impeksa ni Kapitan Jacob a kankanayon koma latta  a mairamanda kadagiti programa ti Agrikultura  iti LGU-Cabugao tapno maidur-as met ti kasasaad dagiti mannalon ditoy a lugar.

Acknowledgement of Guests/Participants ti inakem  ni Mr. Bert Vicente, LFT/FFS Facilitator  ken Presentation of PTD Result ti binagi  ni Ms. Remedios C. Palenzuela, FFS Participant.

Nangted  ti Impresssion da Mr. Marcelino M. Naval; Mr. Arturo S. Serrano ken ni Mr. Elmer B. Serrano, agpapada nga FFS Participants.

Nagatendar ken nangipaay ti Mensahe ni Vice Mayor DJ Savellano. Kimmablaaw ken nagyaman kadagiti nagturpos, opisiales ken lumugar ti Barangay Bato. Dinakamatna ti pateg ti panangabrasa  dagiti mannalon iti agtultuloy a panagbaliw/pannakaipakat  ti baro a Teknolohia iti panagmula ti mais. 

Nagatendar ken nagmensahe met da Provincial Agriculturist Constante  B. Botacion, Jr. ti OPAG-Ilocos Sur; Mr. Cesar Escobar, Regional Cassava/Corn Focal Person; ken ni  Mr. Marcelino A. Alibin, Provincial ESETS Coordinator.

Impresentar ni Mr. Obas Bill Y. Baclig, AT/FFS Facilitator dagiti FFS Officers.

Nagsapata dagiti opisiales ti FFS-Corn ken naaramid ti pannakaakseptarda a naggraduar iti nasao a kurso dagiti 26  a mannalon.

Naisaganad ti Intermission Number dagiti FFS Participants.

Presentation of Graduates ti inakem ni  Mr. Henry B. Saliganan LFT/FFS Facilitator.

Simmaruno ti Distribution of Certificates kadagiti FFS Participants. Naisaganad ti Confirmation of Graduates,  Acceptance of Gracuates ken Distribution of Certificates a pakairamanan dagiti amin a Honored Guests.

Nagatendar met dagiti Agricultural Technologists (AT’s)  ti DA-LGU Cabugao. Kasta pay  dagiti nagbuya a lumugar, sangaili  ken Opisiales  ti Barangay Bato. 

Sinerraan ni Acting Municipal Agriculturist Robert S. Savella ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon. 

Nagpaay nga Emcee da Mr. Pedro S. Ilar; Ms. Aileen C. Sajor ken ni Mr. Bert P. Vicente, FFS Facilitator. # (Web In-Action)