Cabugao, Ilocos Sur – Naaramid ti Nasantuan a Misa para iti bulan ti Pebrero 2016 babaen iti panangannong ni Rev. Fr. Felix Costales, Parish Priest, St. Mark the Evangelist, Cabugao, Ilocos Sur idi Pebrero 9, 2016 nga inatendaran dagiti kameng ti Pamilia LGU-Cabugao iti SB-ABC Building iti amianan ti pasdek ti Munisipio.
Ti pannakaangay ti Nasantuan a Misa ket binulan a naar-aramid ditoy Munisipio iti kallabes a bulbulan ti Tawen 2015 ken maitultuloy ita a Tawen 2016 a kas pangitandudo ti Pamilia-LGU iti Espiritual a paset ti panagserbisioda ken panangipaayda iti panagyaman iti naruay a parabur nga it-ited ti Apo a Namarsua iti sapasap ken mabalanse iti material ken espiritual a kasasaad ti tunggal maysa. # (Web In-Action)
No comments:
Post a Comment