Monday, February 22, 2016

BFAR BOAT REGISTRY SYSTEM, NAIPATUNGPAL DITOY CABUGAO

Cabugao, Ilocos Sur – Naangay ti dua nga aldaw a Boat Registry System ditoy nga ili babaen kadagiti  pannakabagi ti Bureau of Fisheries and Aquatic Resources (BFAR) kadagiti agtagikua ken crew dagiti fishing vessels ditoy ili a Cabugao, Ilocos Sur idi Pebrero 17-18, 2016 ditoy Munisipio.

Nag-courtesy dagiti BFAR Staff iti Opisina ni Mayor Edgardo “Ediboy” S. Cobangbang, Jr. sakbay nga inggannuatda ti Boat Registry System.

Tinarabay ida ni Mrs. Milagros Ramirez-Paz, Municipal Fisheries Coordinator kabayatan iti dua nga aldaw a kaadda dagiti BFAR Personnel iti Munisipio ken kasta metten iti  pannakaisubmiter dagiti kasapulan a papeles dagiti boat owners ken dagiti  crew members.

Sakbayna, inlunsad ti BFAR-Ilocos Sur ti Boat Registry System (BoatR) tapno maestablisar iti Simplified and Standardized National Registration dagiti mangngalap, fishing gears ken dagiti fishing vessels.

Tapno maaramid daytoy, naikkan ti tunggal LGU iti gundaway a mangirehistro kadagiti masakupanda a mangngalap ken dagiti pagkalap tapno maaramid iti information online iti fisheries sector.

The BoatR ket agpaay a pagibasaran iti National Programs ti Aquaculture. Panggepna pay a lappedan iti llegal, unreported ken  unregulated fishing.  Sagudayen ti Republic Act 8550 or Fisheries Code of the Philippines, madusa ti asinoman nga agkalap nga agusar iti eksplosibo, panagkoriente ken panagsabidong wenno panagtuba ti ikan. # (Web In-Action)

No comments:

Post a Comment