Monday, November 13, 2017

2017 BSP CAMPORAL, NAANGAY IDIAY BRGY. CATUCDAAN

Cabugao, Ilocos Sur – Naangay ti tallo  nga aldaw a    Cabugao District 2017 Boy Scout of the Philippines (BSP) Camporal ti Cabugao DepED District idi  Nobiembre 10-12, 2017 idiay Brgy. Catucdaan, Cabugao, Ilocos Sur babaen iti Tema: “ Growth and Stability”.

Iti Day 1, Nobiembre 10, 2017 (Friday), daytoy ti Arrival, Settling-in, ken Camp-set up nga inaramid dagiti Boy Scouts ken tinarabay ida dagiti Troop Leaders.

Naaramid ti Opening Program iti malem. Kalpasan ti Opening Prayer, Pambansang Awit ken Panunumpa sa Watawat, indauluan ni Troop Leader Cecille Pines, Cuantacla E/S ti Re-dedication to the Scout Oath/Law  ken ti BSP Vision and Mission ti imbasa ni TL Paul Benedict Yacap iti Sisim E/S. 

Nangipaay ti Welcome Address ni Punong Barangay Zeny S. Baclig. Pinagyamananna ta naaramid ti District Camporal iti lugarda ket inkumitna iti naan-anay a suportada iti Konseho-da ken dagiti kalugaranna iti maaramid a tallo nga aldaw nga aktibidad ti DepEd.

Simmaganad ti Presentation of the Participants babaen ken ni TL Lawrence S. Somera. Naaramid ti Contested Yell Presentation by Troop ken iti Yell and Song iti by Zone (1-4). Kalpasan daytoy, indeklara ni BSP District Coordinator Francis A. de la Cruz ti panaglukat ti 2017 BSP District Camporal.

Simmaruno ti panangipaay ti –MDRRMC/Cabugao Rescue nga idauluan ni Engr. Nestor B. Somera, LDRRMO III iti Drill maipapan iti First Aid and Rescue. Kasta metten a nagisuroda iti Knot Tying ken dadduma pay a mainaig nga aktibidad iti Boy Scouts para iti District Camporal.

Naaramid iti Base Instruction ken Torch Parade ken BSP Got Talent (1 Per Troop)  iti rabii dayta a petsa. Kalpasanna, nagmiting dagiti Troop Leaders ken Institutional Representatives iti Camporal Venue.

Nakikaysa met da  Mayor Josh Edward S. Cobangbang, Municipal Scouting  Committee Honorary Chairman  ken dagiti Opisiales ti Municipal Scouting Committee iti nadakamat a panaglukat ti BSP Camporal 2017. 


Iti Nobiembre 11, 2017 (Saturday) – Naaramid ti  ti Kawan Holiday (Kab Scout Field Day)  iti isu met laeng a disso ket naaramid ti Opening program ken naisaganad dagiti nagduduma a   paay-ayam. Indeklara ni Mrs. Mildred M. Naval, District Kawan  Coordinator  ti panaglukat ti Kawan Holiday. 

Naaramid ti Closing Program and Awarding Ceremonies  idi Nobiembre 12, 2017.

Nagatendar da Vice Mayor DJ Savellano; SBM Dodgie S. Santella ken ni SBM Atty. Bryan Jett S. Pano iti Kawan Day.

Natarawidwidan ti Cabugao District 2017 BSP Camporal  babaen kada Dr. Concesa T. Rumias, Ed. D., Public Schools District Supervisor, District Commissioner kas Camp Chief; Catucdaan Barangay Captain Zeny S. Baclig, Camp Director. Kasta metten ti itutulong dagiti pannnakabagi ti Over-all Consultants nga isuda Dr. Consesa T. Rumias, Ed. D., Schools District Supervisor; Mrs. Estrellita M. Siruno, Principal III; Mrs. Melvi S. Sajonia, Principal II; Mrs. Julia A. Cayso, Principal I; Mr. Rodel P. Suniega, Principal I ken ni Mr. Ronel M. Ubaldo. 

Ti Standing Committee ket  buklen dagiti kameng ti Program Activities; First Aid/Preparedness ken iti Security and Safety a bukbuklen ti PNP ken dagiti BPATS iti Barangay Catucdaan, Cabugao, Ilocos Sur. 

Ti  Working Committees ket  buklen dagiti mangisursuro a mangimaton kadagiti nadumaduma nga aktibidades nga aramiden ken pagkokontesan ti Boy Scouts kasta metten iti Action Committees a buklen met laeng dagiti mangisursuro a nangtaming iti Camp Layout; First Aid/Safety; General Services; Registration; Secretariat; Reception ken iti Invitation. 

Dagiti sumaganad dagiti Opisiales ti Municipal Scouting Committee iti ili a Cabugao: Honorary Chairman – Mayor Josh Edward S. Cobangbang; Chairman – ABC President Thaddeus U. Soller; Vice Chairman – Brgy. Capt. Arnold V. Yangat; Finance - IR Edwin Duque;  External Operations - Mr– John Paul Hadoc; Internal Operations – IR Edwin S. Savellano; Secretary – BSP Coordinator Francis A. de la Cruz; Assistant Secretary – District Kawan Coordinator, Miss Mildred M. Naval; Treasurer - Mrs. Maricon Sunio; Auditor – Brgy. Capt. Ronel S. Zamora; Assistant Treasurer – Zone I – IR Fidel Sinampaga; Zone II – IR Rodel Suniega; Zone III – IR Gilbert Asuncion; Zone IV – IR Nestor de los Santos.
Business Managers:  Zone 1 – IR Genaro Solmerin; Zone II – IR Ronel Ubaldo; Zone III – IR Donato Sajor ken iti Zone IV – IR Edison Savellano. # (Web In-Action)

No comments:

Post a Comment