Wednesday, November 8, 2017

PAY-OUT DAGITI SENIOR CITIZENS ITI 4rth QUARTER 2017, NAILEPPAS

Cabugao, Ilocos Sur – Naangay ti pay-out wenno pannakaited  ti Social Pension  iti  umabot ti 1,123 a  bilang ti Beneficiaries (babbaket ken lallakay)  a kameng ti Senior Citizens manipud iti 33 a barangay iti ili a Cabugao. Inawatda ti tallo a  bulan  a  para iti 4rth  Quarter  2017  a pensionda manipud iti DSWD Region 1 ket naangay ti pay-out iti Cabugao Cultural and Sports Complex, Brgy. Rizal, Cabugao, Ilocos Sur idi Nobiembre 7, 2017.

P1, 500 ti naituding nga inawat  ti maysa a Beneficiary. Agdagup ti tallo  a bulan (Oktubre-Disiembre 2017)  iti pakabuklan ti inawat  ti tunggal maysa.

Iti pannaki-amad ti Web In-Action,  impakaammo  ni Mrs. Lydia S. Gazmen, Municipal Social  Welfare Development Officer ti LGU-Cabugao nga umabot ti 1,648,500.00 iti dagup ti gatad a naited kadagiti  benepisiario.

Nagatendar  iti nasao a pay-out dagiti MSWDO Staff ken dagiti napusgan a Municipal Treasury Personnel ti LGU-Cabugao a timmulong iti nadakamat a pay-out activity. 

Dagitoy nga aksion ken inisiatiba ket paset iti pro-poor program a nagkammayetan nga ipatungpal ti  Ahensia ti DSWD ken ti Gobierno Lokal nga idauluan ni Mayor Josh Edward S. Cobangbang. # (Web In-Action)

No comments:

Post a Comment