Friday, November 17, 2017

BLESSING KEN CUTTING OF RIBBON TI HEALTH STATION TI BRGY. CUANCABAL, NAANGAY

Cabugao, Ilocos Sur – Naangay ti pannakabendision ken cutting of ribbon ti baro a pasdek ti  Barangay Health Station a masarakan iti Brgy. Cuancabal, Cabugao, Ilocos Sur idi Nobiembre 15, 2017.


Naaramid ti seremonia idiay Barangay Cuancabal a daytoy ti  pannakagetteng ti laso iti kabarbaro a pasdek ti  Barangay Health Station babaen kada Mayor Josh Edward S. Cobangbang ken ni  Brgy. Captain Helen S. Savellano nga inimatangan dagiti Opisiales ti Salun-at, RHU, Opisiales ti Ili ken dagiti lumugar ti Barangay Cuancabal.

Simmaruno  ti panangidaulo ni Rev. Fr. Felix A. Costales iti panagkararag ken panangbendisionna iti amin a parte ti kabarbaro a pasdek a binayabay da Mayor Josh Edward; Engr. John Foz, OIC, Provincial Health Team Leader ken dagiti kakaduana; Dr. Mark-Lawrence T. Tirao, OIC Municipal Health Officer ti Cabugao; Opisiales ti Ili nga isuda Vice Mayor DJ Savellano; SBM Jayhan Alcid-Tan; SBM Dodgie Santella; MPDC/Budget Officer Florante S. Jara; Barangay Officials ken dagiti bumarangay a nagatendar.

Pinagyamanan ni Punong Barangay Helen S. Savellano dagiti amin a nakipaset  iti nasao a taripnong ken kasta metten  iti naballigi a pannakaipatungpal ti nadakamat nga  aktibidad ken iti pannakalpas ti  nadakamat a proyekto. # (Web In-Action)

No comments:

Post a Comment