Friday, November 3, 2017

ITI ALL SOULS’ DAY, NOBIEMBRE 2, ADU PAY LAENG TI SIMMARUNGKAR A TAO

Cabugao, Ilocos Sur – Naruay pay laeng ti simmarungkar nga umili kadagiti minatayda kadagiti nitso ken tanem kadagiti Kamposanto nangruna iti Kamposanto Iglesia Romano Katolika iti nagmalem ti Nobiembre 2, 2017.

Nasigo a naipatungpal ti “Oplan Undas 2017” ken  ti “Oplan Kaluluwa Undas 2017”   a programa ti PNP-BFP  babaen kadagiti pannakabagi ti linteg a nangtarabay kadagiti agsangpet-agawid a tattao  nangruna iti National Highway a pagnaanda a mabatogan ti Cabugao Public Cemetery.  

Naangay ti Misa Kamposanto (Uneg) iti deppaarna ti abagatan a daya iti sementerio ti ili.

Iti pannakiamad ti Web In-Action, naballigi ti dua nga aldaw (Nobiembre 1-2)  a panagselebrar ta awan ti aniaman a madi a napaspasamak iti ruar ken iti uneg dagiti sementerio, segun iti Municipal Police Station ti Cabugao ken ti MDRRMC-Cabugao. 

Napintas  ti  koordinasion dagiti nagserbisio  nga Ahensia ken Sektor babaen iti panangtarabay ti MDRRMC nga idauluan ni Mayor Josh Edward S. Cobangbang, Chairperson; ti MPS-Cabugao nga idauluan ni Police Senior Inspector  Jeffrey P. Carbajosa,  Police Chief  ken ni MDRRMC Officer Engr. Nestor B. Somera. 

Kangrunaanna ket iti naannayas a  pannakaaywan dagiti umili agraman iti  Trapiko iti dua nga aldaw a panagselebrar ti Difunturom 2017, segun pay ken ni Engr. Somera. #  (Web Situational Report)

No comments:

Post a Comment