Friday, November 3, 2017

MASA MASID ORIENTATION, NAILEPPAS TI PASEMINAR ITI MAIKATLO A BATCH

Cabugao, Ilocos Sur – Naaramid ti STRENGTHENING OF MASA MASID TEAM-MASA MASID Orientation (3rd  Batch)  kadagiti pannakabagi dagiti naudi a nayeskediul a barangay ti ili a Cabugao, Ilocos Sur iti Nobiembre 3, 2017 iti Early Childhood Care Development Building, Barangay Rizal, Cabugao, Ilocos Sur.

Kalpasan ti Registration dagiti Partisipantes  ket nairugi ti opening program. Inlawlawag ni MLGO Officer Constancia “Connie” L.  Quinola ti panggep iti panagadal ken bininsana dagiti mainayon a topiko a matratar ken pagrebbengan dagiti nagseminar.

Nagsarita ti COMELEC Election Officer ti ili a Cabugao ket impakaammona ti pagdurdur-asan iti nasuspender nga eleksion ti Barangay ken ti SK.

Iti Lecture Proper, inseminar ni Cabugao Chief of Police, PSI Jeffrey P. Carbajosa ti puon ti Terorismo ken iti gubuayenna a  madi  agraman metten dagiti Tips ken nasamay a wagas nga aramiden iti panangtiped ti pannakapasamak ti Krimen ken Desgrasia.

Inlawlawag ni Mrs. Quinola ti kaipapanan ti Primer ti MASA MASID (Mamamayang Ayaw Sa Anomalya - Mamamayang Ayaw Sa Iligal na Droga) kadagiti nagseminar a nakabuklan dagiti napili manipud iti nadumaduma a sektor ti barangay.

Sakbay daytoy a panagtitipon, naaramid ti panagsanay  ti umuna a batch idi Oktubre 20, 2017 a kaaduan a nagatendar  dagiti Opisiales ti Barangay ken kameng ti Barangay Tanod iti 33  a barangay. Maar-aramid daytoy a paseminar tapno maipatungpalda ti plano iti Gobierno Nasional  a mapagbalin a naan-anay a katulongan ida ti Kapolisan ti krusada maikontra iti illegal drugs; kriminalidad ken corruption a dinakamat ni MLGO Officer Constancia “Connie” Lazo Quinola a kangrunaan a pakabuklan dagiti maiyad-adal kadagiti agseminar. Naaramid met ti seminar iti second batch idi Oktubre 30, 2017.
    
Inulit ni  MLGO Officer Constancia “Connie” L.  Quinola nga impalagip a  daytoy a programa ket Community-Based Reform Program (CBRP)  ti Gobierno Nasional ket saan laeng  a dagiti Opisiales ti adda pagrebbenganna a makigamulo no di pay ket agtitinnulong dagiti maseknan a sektor tapno agballigi iti panggep daytoy a programa ni Presidente Rodrigo Roa Duterte. 

Insupusopna a  ti Barangay MASA MASID Team  ket buklen dagiti representatives ti  faith-based organizations, civil society organizations (CSOs), non-government organizations (NGOs), people’s organizations (POs), ken ti  CSO representative  manipud iti Barangay Peace and Order Council (BPOC) ken iti  Barangay Anti-Drug Abuse Council (BADAC) 

Trinatar met ni Dr. Mark-Lawrence T. Tirao maipapan iti Community-Based Rehabilitation Program (CBRP) a component ti krusada. 

Naluktan ti Open Forum ket naipeksa dagiti amin a kayatda a maammuan babaen iti nasiglat a panagsungbat dagiti naglektiur. # (Web In-Action)

No comments:

Post a Comment