Thursday, November 2, 2017

ALL SAINTS’ DAY 2017, SAPASAP A NAGSELEBRARDA ITI NOBIEMBRE 1

Cabugao, Ilocos Sur – Nagselebrar ti sapasap nga adda minatayna iti kadakkelan a  kamposanto iti Kamposanto Iglesia Romano Katolika idi Nobiembre 1, 2017 babaen iti panagatendarda iti Nasantuan a Misa a naidaton kadagiti minatay iti Simbaan ti Ili, Misa Kamposanto ti Benneg ken iti  Misa Kamposanto iti Ruar.


Sakbayna, naangay pay ti tallo a Misa iti Simbaan Romano Katolika   manipud iti 4:30 am agingga iti 8:30 am iti  masasao a RAMBAK LA NAVAL idi  Oktubre 29, 2017.

Idi Oktubre 31, 2017, naangay ti Misa Kamposanto idiay Barangay Sisim.

Kabayatanna, umarngi met laeng ti naaramid iti Kamposanto ti Iglesia Filipina Independiente (IFI) iti ili.

Kanaig daytoy, nagasikaso ti Kapolisan (Municipal Police Station) a  nagtarabay ken  nagiwardas iti naannayas a  trapiko iti batog  ti kamposanto (Cabugao Public Cemetery)  a sumrekan ken rummuaran ti tao a kaduada dagiti Barangay Tanod (BPATS), MDRRMC-WASAR-Cabugao Rescue;  Security Personnel  ti LGU, Medics iti RHU-Cabugao ken ti BFP (Cabugao Fire Station).  Adda met latta a naidestino a Security Personnel  iti uneg ti sementerio kabayatan nga umad-adu ti sumarungkar a tattao. (Web Situational Report)

No comments:

Post a Comment