Tuesday, November 28, 2017

PASILIDAD TI LGU, MAISAGSAGANA PARA ITI NAPAUT A HOLIDAY SEASON

Cabugao, Ilocos Sur – Maisagsagana dagiti pampubliko a pasilidad iti panagselebrar ti  napaut  a holiday season ken panangsagrap dagiti umili (Bakasionista ken Balikbayan)  iti ragsak ken liwliwa iti ipapanda iti Parke (Freedom Park, Rizal Park ken Cabugao Central Park-CCP), Plaza, NISTC Public Market, Food Court, pasilidad ti Sports ken Recreation iti CCP ken iti  Cabugao Cultural and Sports Complex.

Kabayatanna, nakasagana latta met ti Clean and Green Team ti Munisipio nga idauluan ni MENRO Edgar S. Balangatan a mangmantener iti kinadalus ti aglawlaw, processional routes ti Poblasion ken iti National Highway (MNR ti Sagayaden-Pug-os; Lipit-Nagsincaoan Provincial Road; ken ti Baclig-Salomague Port National Highway Road).

Mainayon ditoy ti agtultuloy a pannakaiwayat ti nasaknap a panagdalus kadagiti Beach ken Resorts iti Munisipalidad para kadagiti agpasiar ken agselebrar iti igid ti kabaybayan babaen iti panangilungalong  ti Clean and Green Team ken regular a Clean-up Drive dagiti Opisiales ken bumarangay iti pito a coastal barangay iti Barangay Dardarat, Salomague, Sabang, Namruangan, Daclapan, Salapasap ken Pug-os a buklen dagiti Barangay Council Members, 4 Ps Members, RIC Members, 4-H Club ken  dagiti BPATs/Barangay Tanod.

Dagitoy nga aksion ken inisiatiba ket parte iti sistematiko a panagsagana iti Munisipio para iti selebrasion ken napaut a Holiday Season ita a Paskua 2017.  # (Web Situational Report)

No comments:

Post a Comment