Monday, November 6, 2017

23rd SCHOOLS PRESS CONFERENCE, NAANGAY ITI CSCS

Cabugao, Ilocos Sur – Naangay ti 2-Day Cabugao 23rd Schools Press Conference dagiti pagadalan ti eskuela-elementaria iti Cabugao DepEd District nga addaan ti Tema: “Embracing ASEAN Integration: Campus Journalisms’ Role in Advancing Inclusive Education” idi Nobiembre 3-4, 2017 a naangay iti Cabugao South Central School Social Hall, Brgy. Bonifacio, Cabugao, Ilocos Sur. 

Iti Day 1, Nobiembre 3, 2017,  naangay ti Opening Program.

Words of Welcome ni Mrs. Estrellita M. Siruno, Principal III ti Cabugao SCS ket dinakamatna ti pateg ti panangpadur-as ti kabaelan nga agsurat nangruna kadagiti ubbing a naganus pay ti isipna. 

Naisaganad ti Presentation of Participants; Speakers ken Trainers iti nasao a Komperensia.

Nangted ti Mensahe ni Mayor Josh Edward S. Cobangbang. Kimmablaaw ken nagyaman iti pannakipasetna  kadagiti mannursuro ken mannurat. Pinaregtana dagiti participants nga agtultuloyda koma a  mangasa iti kabaelanda nga agsurat ta napateg a mangpasayaat kadakuada  daytoy a talentoda   ken iti pananggun-odda pay kadagiti  balligi  a pakaidaydayawan ti paggapuanda nga eskuela ken iti ilida.

Kalpasan ti nagsaruno nga intermission number, impaay ni Mrs. Julia A. Cayso, Principal I ken District Campus Journalism Coordinator ti Orientation/Guidelines.
Iti Day 2, nagtultuloy iti pannakaiyadal dagiti nagduduma nga aspeto iti panagsuratan babaen kadagiti Speakers ken Facilitators. 

Naaramid ti Closing Program ken pannakabigbig dagiti nagballigi a Contestants a manamnama a makisalip iti umadani a pannakaaramid ti Division Schools Press Conference 2017.
Nagpaay nga Emcee da  Mr. Paul Benedict Yacap, T1, Sisim E/S ken ni Ms. Jennie Savellano, T1, Sagayaden E/S iti Opening Program. # (Web In-Action)

No comments:

Post a Comment