Friday, November 8, 2013

KAMPEONATO, NAPAGTALINAED TI CABUGAO TEAM

Cabugao, Ilocos Sur – Napagtalinaed ti Cabugao Delegation Team iti Umuna a Puesto iti kinasalisalna a  tallo nga ili iti naangay a Unit 1 Athletic Meet 2013 sadiay Sinait National High School Athletic Ground, Sinait, Ilocos Sur  idi Nobiembre 5-6, 2013.

Maikadua a puesto ti nagun-od  ti ili ti Magsingal; maikatlo ti San Juan ken maikapat iti ili ti Sinait.

Napagsasalipan dagiti sports events kas iti Badminton, Football, Baseball, Chess, Sipa Takraw, Table Tennis, Volleyball, Softball, Lawn Tennis, Athletics, Taekwondo, Gymnastics ken Basketball.

Nagun-od pay ti Cabugao Team iti maikadua a puesto iti Folk Dance Competition a simmalian dagiti mangisursuro; umuna a puesto ti Magsingal; maikatlo ti Sinait ken maikapat iti San Juan.

Iti pannakiuman ti Web In-Action idi Nobiembre 7, 2013, impeksa ni Mr. Ronel M. Ubaldo, Sports Coordinator ti DepED Cabugao iti nalaus a panagyamanda kadagiti atleta, mangisursuro, nagannak ken kadagiti Opisiales Lokal ti ili ti Cabugao a nangited ti tulong iti pannakidangadang dagiti ubbing ti elementaria iti salip ti sports, kadakkelan a pay-ayam iti benneg ti Edukasion iti Umuna  a Distrito ti Probinsia ti Ilocos Sur. # (Web In-Action)

No comments:

Post a Comment