Cabugao, Ilocos Sur – Iti pannakiuman ti Web In-Action idi Nobiembre 11, 2013, imbatad ni Dr. Melvin G. Castro, DVM,Municipal Livestock Program Coordinator a saklawenna ti imatonna a Banner Program ti pakabuklan ti Cabugao Dayo a pakaip-ipanan dagiti nabubun-as nga animales (baka, n uang ken baboy). Dagiti sumaganad ti pakabuklan ti programa:
1.Livestock Management (Animal Health Care)- Manglapped ti panagsakit dagiti animales; panangkondision iti pisikal a pakabuklan dagiti ayup.
2.Hygiene and Sanitation Program- Mangalay-ay ti ikakapet ti impeksion ken dadduma pay a kita ti sakit ti ayup.
3.Regular Parasitic Program-Mangiyagpang ti salun-at ken andur dagiti animales babaen ti purga a mangpaksiat ti sakit.
4.Preventive Medication Program-manglapped ti panagpukaw ti puonan dagiti mannalon gapu iti sakit.
5.Castration Program-Mangital-o ti kalidad ti karne babaen iti pannakaikkat ti angdod ti ayup.
Kabayatanna, nausatan payen ti yuumay iti Cabugao Dayo dagiti Personnel ti Barang-ay Farm ti ISCC nga umay aglako ti burias iti kada aldaw ti Sabado a panagdadayo. Babaen itoy a gannuat, umadu ti pagpilian dagiti aggatang ket pumintas ti presio no adda mapasamak a kompetision, segun pay ken ni Dr. Castro. # (Web In-Action)
No comments:
Post a Comment