Cabugao, Ilocos Sur – Naaramid ti pannakadalus ken pannakawada ti baet dagiti pinuon ti kayo iti Magarang Spring Watershed, Brgy. Cacacdiran, Cabugao, Ilocos Sur babaen ti nagkakammayet a pannakabagi ti Task Force Kalikasan, Barangay Council-Cacadiran ken ti LGU-Cabugao itay nabiit.
Segun ken ni MENRO Edgar S. Balangatan, AT, paset daytoy a panagdalus ken panagwada ti panangtingiting kadagiti mainayon a maimula kadaytoy a kabakiran a pamataudan ti kangrunaan nga ubbog para iti suplay a mausar a danum dagiti umili ti Cabugao, Ilocos Sur.
Innayon ni Mr. Balangatan a daytoy nga aktibidad ket paset ti panangmantener ken panangpreserbar ti watershed tapno adda pagtuladan dagiti dadduma ken maipasigurado ti agtultuloy a maasikaso ti pagsayaatan ti kabakiran ti watershed.
Insupusop pay ti MENRO a daytoy nga aktibidad ken inisiatiba ket gubuay iti sistematiko ken nadigem a panangipakat ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti agtultuloy a programa ti Environmental Management iti agdama a para iti pagimbagan ti sapasap nga umili. # (Web In-Action)
No comments:
Post a Comment