Tuesday, November 19, 2013

SWINE FATTENING PROJECT, NAGBALLIGI

Cabugao, Ilocos Sur – Naaramid ti Field Evaluation ti Swine Fattening Project babaen kadagiti pannakabagi ti National Food and Agriculture Council (NAFC), DA-Central Office itay nabiit.

Kinadua ida ni Municipal Agriculturist Zenaida S. Andrada ti DA-LGU Cabugao ket nagturongda idiay Brgy. Turod, Cabugao, Ilocos Sur a disso ti dadduma a proyekto babaen ti panangtarabay ni Brgy. Captain Inocencio S. Sadac a makasakup kadagiti Project Beneficiaries.


Innayon ni Mrs. Andrada a naballigi ti nagbanagan dagitoy a proyekto ta napatan-ayda a nasayaat  dagiti naited kadakuada a mataraken a baboy nga aggatad ti P150,000. Kasta met iti napasamak iti Project Beneficiaries iti Bungro Farmers Association nga idauluan ni Mr. Edy L. Sevilleja, Presidente, a nakaawat met iti maipada a proyekto babaen ti panangyendorso sakbayna ti DA-LGU ken ti Municipal Agriculture and Fisheries Council (MAFC) nga idauluan ni Brgy. Sagayaden Kagawad Rogelio Barlolong. # (Web In-Action)

No comments:

Post a Comment