Tuesday, November 5, 2013

NUTRITION PROGRAM TI BRGYS., MAMONITOR

Cabugao, Ilocos Sur – Agdama a maimonmonitor ita ti pagdurdur-asan ti programa ti Nutrision ti tunggal barangay babaen ti panangimaton ti Municipal Nutrition Action Office-LGU Cabugao. Paset daytoy ti evaluation iti nagnaan ti inadal dagiti BNS’s, BHW’s, 4 P’s Officers ken Barangay Committee ti Nutrision iti uppat nga aldaw a panagseminarda ditoy Munisipio itay nabiit. 

Kangrunaan a pagintekan ti pannakamonitor dagiti bumarangay ket babaen iti individual interview iti Infant and  Young Child Feeding a parte ti Breastfeeding Campaign ken iti  Promote Good Nutrition Program a nakabuklan ti inadalda.

Ti Breastfeeding Program ti Gobierno Nasional ket maysa kadagiti kangrunaan a maisaksaknap babaen ti panagkakammayet dagiti line agencies kas iti DOH, DSWD, LGU’s ken kangrunaanna  iti barangay agsipud ta napaneknekan babaen iti sientipiko a takuat a ti gatas ti ina ti kapatgan a salbabida ti maladaga tapno masubana dagiti nagkaadu a sakit ken saan a matungday ti panagdakkel ti maladaga. # (Web In-Action)

No comments:

Post a Comment