Cabugao, Ilocos Sur – Naballigi a naselebraran ti All Soul’s Day ken All Saint’s Day idi aldaw ti Nobiembre 1-2, 2013 ditoy ili ti Cabugao, Ilocos Sur. Nupay lepleppas ti immay a bagyo “Vinta, saan a daytoy ti nakaigawid ti sapasap a nagturong iti sementerio tapno bisitaen ken iliwenda ti lagip dagiti pimmusay a patpatgenda iti biag.
Naitampok kadaytoy a dua nga aldaw a Holiday iti panagmisa ti Kura Paroko iti Catholic Cemetery kasta met iti Padi ti Philippine Independent Church (PIC) ket nawarisan ti bendision dagiti nitso ken tanem ken kasta met a napatulodan iti karkararag dagiti kararua dagiti minatay.
Kabayatanna, naregget met ti kapolisan a nagpatrulia ken nagbantay iti serkan dagiti sementerio babaen iti panangidaulo da Chief of Police William N. Nerona ken ni Deputy Chief Nestor Savellano agraman dagiti Medical Personnel a nangbukel ti Medic/First Aid manipud iti RHU-MHO Cabugao.
Naanep met dagiti Barangay Tanod/BPATS agraman dagiti Opisiales ti Barangay Bonifacio a nakitinnakunaynay kadagiti simmarungkar nga umili ken sangaili iti sementerio.
Iti pannakiuman ti Web In-Action ken ni COP William Nerona, kuna ti Opisial a natalna ken naballigi ti napasamak a panagselebrar dagiti umili babaen iti “Oplan Kaluluwa” ti PNP-Cabugao. # (Web In-Action)
No comments:
Post a Comment