Cabugao, Ilocos Sur – Iti pannakiuman ti Web In-Action idi Nobiembre 12, 2013, imbatad ni Ms. Jessie Anne O. Tabut, Municipal Link, DSWD-Cabugao a naileppasdan a sineminar dagiti 4 P’s Beneficiaries ti Brgy. Daclapan ken Dardarat nga addan iti maikalima a tawenda (Set 3) a kas agaw-awat ti benepisio iti 4 P’s.
Innayon ni Ms. Tabut a ti Sustainable Livelihood Program (SLP) ket kanaig ti programa para kadagiti aggraduar (maika-5 a Tawen) a 4 P’s Members tapno marangtayan ti baet a sandanton nga awaten ti kas iti naited kadakuada a benepisio babaen ti pannakaipamaysada ti pagsapulan a maiyannatup iti kabaelanda.
Insupusop pay ni Ms. Tabut a nupay adda counterpart ti LGU-Cabugao iti maiyusuat a programa ket agtultuloy a sumupsuporta met ti Gobierno Lokal a mangtarabay kadagitoy nga aggraduar a 4 P’s.
Insarurong met ni Miss Aida S. Cueto, Municipal Focal Person a maisaruno a maseminar dagiti 4 P’s iti Barangay Namruangan iti Nobiembre 12-13, 2013 agingga a maileppasda dagiti immuna a Recipients ti 4 P’s kadagiti Coastal Barangays ti Munisipalidad. # (Web In-Action)
No comments:
Post a Comment