Cabugao, Ilocos Sur – Babaen ti panagkammayet ti LGU-Cabugao, BFAR ken ti Barangay Council ti Brgy. Pug-os, naaramid ti mangrove planting iti shorelines ti Barangay Pug-os, Cabugao, Ilocos Sur itay nabiit.
Segun ken ni MENRO Edgar S. Balangatan, AT, naimula ti umabot iti 50,000 a Mangrove Seedlings nga intukit dagiti kameng ti Pug-os Fishermen Association nga idauluan ni Kagawad Alfonso Asunio iti nasao a barangay iti dua nga aldaw.
Kanaig daytoy, gapu iti kaadu ti naimula/nagbiag a mangrove plants iti kabaybayan, nainominar ti Barangay Pug-os para iti Best Mangrove Implementor ket immay nag-validate dagiti pannakabagi ti Presidential Management Staff (PMS), Office of the President ken ti National Economic Development Authority (NEDA)-Region 1 ket nag-courtesy dagitoy sakbayna iti Opisina ni Mayor Edgardo S. Cobangbang, Jr. iti Munisipio sa naaramid ti Field Validation.
Manamnama a matun-oyan ti Barangay Pug-os ti darepdepna a maiyalatna ti “Presidential Awardee” kadaytoy a gagem. Segun ken ni Mrs. Milagros R. Paz, Municipal Fisheries Coordinator, umaboten ti 227,000 a kapuon ti naimula a mangrove seedlings iti Barangay Pug-os. # (Web In-Action)
No comments:
Post a Comment