Cabugao, locos Sur – Naangay ti miting ti Liga ng mga Barangay Secretaries ti ili ti Cabugao idi Nobiembre 8, 2013 iti Municipal Conference Building, Cabugao, Ilocos Sur.
Mismo a ni MLGO Officer Constancia L. Quinola, LGOO V ti nag-Preside ti nasao a miting ket dagiti sumaganad ti natratar ken napagnanamingan:
1.Nailawlawag ti DILG MC No. 2013-15 a naisaguday iti Inventory of Turnover of Barangay Financial Records and Properties ken pannakabukel ti Transition Team a buklen ti Punong Barangay, Brgy. Secretary, Brgy. Treasurer ken Municipal Representative gapu iti napalabas a Barangay Election 2013.
2.Panangannurot kadagiti nainayon a pagalagadan iti agdama a pannakaidalimanek ti basura (Solid Waste Management Program) ti Munisipio.
3.Nataming dagiti adda pakaseknanna iti Lupong Tagapamayapa a partikular ti Barangay Pug-os.
4.Pannakaigunamgunam iti panangannong iti pagrebbenganda iti Disaster Preparedness ket naited dagiti IEC Materials nga usarenda.
5.Pannakaisagana iti pannakaipatungpal ti Siglat Awards 2013.
6.Ken dadduma pay a napapateg a pakaseknan dagiti Opisiales ti Barangay ken iti mismo a barangay.
Nabunga ken naballigi ti nagresultaan daytoy a binulan a miting dagiti Appointive Officials dagiti 33 a barangay ti ili a Cabugao nga idauluan ni Mr. Ronie Bringas, Presidente ti Liga. # (Web In-Action)
No comments:
Post a Comment