Cabugao, Ilocos Sur – Narugianen ti pannakaiwaras dagiti naibunubon a nateng iti Greenhouse babaen iti panagkammayet ti DA-LGU ken iti Opisina ti Municipal Nutrition Action Office nga imatonan ni Mrs. Joenah G. Sevilleja, AT.
Sakbayna, inlungalong ni Mayor Edgardo “Ediboy” S. Cobangbang, Jr. kadagiti pannakabagi ti DA-LGU ti pannakaimasetas dagiti nagduduma ti klasena a hybrid a bukel ti nateng a naggapu iti HVCDP Program ti DA-RFO 1, San Fernando City, La Union tapno agtultuloy latta a maiwarasan ti imula dagiti interesado nga umili nga agmula, 4 P’s Members, RIC ken dadduma pay nga asosasion iti las-ud ti 33 a barangay ti ili.
Kabayatanna, impakaammo ni Mrs. Sevilleja a narugianen a maiwaras dagiti seedlings a naggapu iti Greenhouse babaen kadagiti klienteda iti Nutrition Program kadagiti barangay tapno masustener ti Gulayan Program/Backyard Gardening nga ipampamaysa ti LGU-Cabugao a maipakat kadagiti programa a pakaseknan ti Nutrision ken Salun-at.
Manamnama nga iti agtultuloy a pannakaitandudo ti panagmula ti nateng ket makatulong iti pannakapasalun-at dagiti ubbing ken umili nangruna kadagiti agnanaed iti aw-away. # (Web Situational Report)
No comments:
Post a Comment