Cabugao, Ilocos Sur – Nakipaset ni MENRO Designate Edgar S. Balangatan, AT, iti Regular Meeting ti Association of Barangay Captains (ABC) a naangay iti Municipal Conference Building idi Pebrero 5, 2014.
Iti naited kenkuana a gundaway a mangibinsa ti programa ti Munisipio iti pakaseknan ti aglawlaw, impaganetget ni MENRO Balangatan dagiti sumaganad a pammalagip kadagiti Kapitanes ti Barangay a nagatendar kas iti sumaganad:
1.Clean and Green Program- pannakaipakat ti regular a panagsipat/panagdalus kadagiti amin nga igid ti kalsada ti barangay, regular a pannakadalus dagiti pasilidad ti barangay ken panangasikaso iti Barangay Nursery ken panagmulmula ti kayo.
2.Pannakikaysa iti programa ti “Segregation” ti basura ken dadduma pay a pagannurotan iti nasayud nga implementasion ti Solid Waste Management Program ti Munisipio.
3.Pannakataming ti Barangay Nursery ken panagpaadu (propagation) iti agduduma a seedlings a maimula.
4.Panangigannuat ti reforestation activities ken panangasikaso kadagiti Tree Park ti barangay.
5.Pannakatarimaan ti pangpang ti karayan, waig wenno pagayusan ti danum.
6.Pannakapapintas ti aglawlaw.
Dagitoy a pakaseknan ket kalikaguman nga itandudo iti programa ti Municipal Environment and Natural Resources Office (MENRO) ita a Tawen 2014 iti intero a Munisipalidad a mayataday iti Direktiba ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment