Cabugao, Ilocos Sur – Naaramid ti panagdalus iti masakupan ti Covered Canal kasta met iti pannakapinta/repainting dagitoy nga istraktura babaen kadagiti Opisiales ti Brgy. Bonifacio ken Brgy. Quezon iti maikadua a lawas ti Pebrero 2014.
Iti biang ti Brgy. Quezon, indauluan ni Brgy. Captain Nida S. Braceros dagiti kaopisialanna a nangpinta ti masakupan ti barangayda a Covered Canal iti kawatiwatan ti Arcebal St. idinto ta re-painting ti inaramid ti Konseho ti Barangay ti Brgy. Bonifacio nga idauluan ni Brgy. Captain Valentin S. Tuyor, Jr. iti Covered Canal-da iti Arcebal St. ken iti Pacifico Apostol St., agpadpada a kalsada ti Brgy. Bonifacio.
Dagitoy nga aksion ken inisiatiba ket paset ti panangpapintas ti aglawlaw ti barangay kas panagsagana kadagiti dadakkel nga aktibidad a mapasamak iti ili kadagiti masungad nga aldaw ken bulan. # (Web In-Action)
No comments:
Post a Comment