Tuesday, February 11, 2014

CISTODAI, PASAYAATENDA TI TRANSPORT SECTOR

Cabugao, Ilocos Sur – Maibatay iti report ni Mr. Dominador Andres, Presidente, Cabugao, Ilocos Sur Tricycle Operators and Drivers Association, Inc. nga adda 881 a nag-Prangkisa iti Munisipio  a traysikelan iti Tawen 2013 idinto ta umabot iti 1, 250 ti dagup ti traysikelan ti ili a Cabugao, Ilocos Sur iti pannakanayon ti bilangda iti agdama.

Innayon ni Mr. Andres nga in-inuten  a masursuruan ken makikooperar ti kaaduan a traysikelan babaen iti panagalada ti prangkisa ken panangipabaroda ti plaka, panangala ti lisensiada  nga agmaneho  idiay LTO ken iti agtultuloy a  panagtungpalda iti pagannurotan ti  Municipal Tricycle Code ken CISTODAI  ti ili a Cabugao.

Insupusop ni Mr. Andres a malaksid nga ipromotda ti nadisiplina a panagmaneho ken panagpasada, kalikagumanda a maiparikna ti tunggal kameng iti hanayda iti napintas a panggep ti Saranay Association ti CISTODAI no adda emerhensia ti pamilia iti miembroda.

Kangrunaan iti panangsurotda ti “Linteg-Trapiko” nga inaldaw a maipatungpal iti amin a rota ti traysikelan iti ili ti Cabugao iti inaldaw, segun pay iti Presidente ti CISTODAI. # (Web In-Action)

No comments:

Post a Comment