Cabugao, Ilocos Sur – Bimmisita ti maysa kadagiti Kandidata iti 7th International Global Grand Reunion a maangay ditoy Cabugao, Ilocos Sur inton Pebrero 18-20, 2014.
Nagturong ti grupo ni Ms. Myrna Guerrero Peralta, kandidata ti Cabugao Sons and Daughters Association of Hawaii ken dagiti kakaduana iti Opisina ni Mayor Edgardo “Ediboy” S. Cobangbang, Jr. ket nagkortesiada ken ni Mayor Ediboy ket nabara met ti panangsarabo ti Alkalde Munisipal kadakuada idi Pebrero 11, 2014. Sakbayna, pinasiar ni Kandidata Myrna ti Hawaii iti ruar ti pasdek ti Munisipio ken iti nadumaduma nga Opisina ti Departamento ti LGU-Cabugao iti Municipal Hall (Presidencia) a binayabay da SB Member Vicky S. Serna ken ni SBM Dr. Jemaima S. Tan-Yee sada nagturong iti Opisina ti Municipal Mayor.
Dadduma a Kandidata ti 7th Cabugao Global Grand Reunion 2014 ket isuda: Ms. Judith Sison Garcia, Philippines; Ms. Michelle Angara, Cabugao Association of Hongkong; Ms. Perpetua Solanzo Kojo, Cabugao Association of Northern California ken ni Ms. Benedicta Castillo, Cabugao Organization of Southern California. # (Web In-Action)
No comments:
Post a Comment