Cabugao, Ilocos Sur – Impakaammo ni DA OIC-Regional Executive Director Valentino C. Perdido, Ph. D. babaen iti suratna ken ni Mayor Edgardo S. Cobangbang, Jr. a maysa ti ili ti Cabugao, Ilocos Sur iti intero a Pilipinas iti nakagun-od iti pammadayaw iti “Search for the CY 2013 Agri-Pinoy Rice Achiever’s Award” kas maysa kadagiti “Outstanding Municipalities and LGU Agri-Extension Workers” babaen iti National Rice Program iti Department of Agriculture (DA).
Nadakamat pay iti nasao a pakaammo a napili ken napadayawan ti LGU-Cabugao maigapu iti positibo ken adu a maitulongna iti pannakaidur-as ti produksion ti pagay iti Region 1 iti Tawen 2013.
Ibagian da Municipal Agriculturist Zenaida S. Andrada ken ni Mr. Nereo S. Daproza, Municipal Rice Program Coordinator, dagiti mapadayawan iti Outstanding Agricultural Extension Workers (AEWs). # (Web In-Action)
No comments:
Post a Comment