Cabugao, Ilocos Sur – Naaramid ti pannakapili dagiti kabarbaro nga agtakem ti Liga ng mga Barangay Sec retaries ti ili a Cabugao, Ilocos Sur itay nabiit a nakapilian ni Mr. Amador Salom, Barangay Secretary ti Brgy. Cuancabal a kas Liga President.
Tinarawidwidan ni Ms. Constancia L. Quinola, LGOO V ti MLGO-Cabugao ti nadakamat a pannakaelektar dagiti baro nga Opisiales ti Liga.
Nagatendar met ni Mayor Edgardo “Ediboy” S. Cobangbang, Jr. kalpasan iti eleksion dagiti Sekretario ket kinablaawanna dagiti amin a nagatendar nga Appointive Barangay Officials.
Impeksa ni Mayor Ediboy ti ragsakna iti partisipasion ti Liga iti pannakitinnulongda kadagiti barangayda a nakagun-odanda ti premio ken nangyalatan ti ili a Cabugao a “KASIGLATAN NGA LGU” iti 2013 Siglat Awards.
Innayon ni Mayor Ediboy a kukuada a bukbukod ti premioda ket inallukoyna dagiti Opisiales iti naan-anay a pannakipartisiparda iti ad-adu a bilang ti maisalip a kategoria iti sumaruno a Siglat Awards.
Dadduma pay a trinatar ti Liga ket iti pannakaisubmiter dagiti Development Plans a mairingpas a para kadagiti barangay iti Tawen 2014. # (Web In-Action)
No comments:
Post a Comment