Cabugao, Ilocos Sur – Segun ken ni Mrs. Joenah G. Sevilleja, AT, Municipal Nutrition Action Officer nga agtultuloy latta iti “Operation Timbang Program” kadagiti ubbing iti 33 a barangay ti ili a Cabugao, Ilocos Sur babaen kadagiti Barangay Nutrition Scholars (BNS) a tultulongan dagiti Barangay Health Workers (BHWs) tapno madeterminar iti pagdurdur-asan dagiti programa/aktibidades a maipatpatungpal iti pakaseknan ti pannakataraon, pannakataming ti salun-at ken panangsursuro kadagiti nagannak a mangtaripato iti pamiliada para iti panangpakanda iti nasustansia ken napintas a panangasikaso ti salun-atda iti inaldaw babaen iti panangbasada ti “Ang Inyong Nutri-Guide” a libro nga inted ti Department of Health (DOH) ken ti Philippine National Nutrition Council.
Innayon ni Mrs. Sevilleja a nagtitipon manen dagiti BNS ditoy Munisipio itay nabiit tapno agipasada/agaramidda ti reportda pakaseknan iti programa ti Nutrision iti barangay. Naparegta met dagiti BNS agsipud ta inawatda dagiti Honorariumda, segun pay iti Municipal Nutrition Action Officer.
Insupusop ni Mrs. Sevilleja nga isuda nga adda iti Secretariat ti Municipal Nutrition Committee ket napintas ti koordinasion ken pannakikammayetda kadagiti pannakabagi ti DSWD-MSWDO, DOH-RHU, DepED ken ti LGU-Cabugao iti agtultuloy a pannakaipatungpal ti programa iti Nutrition Sector iti Munisipalidad. # (Web In-Action)
No comments:
Post a Comment