Cabugao, Ilocos Sur – Naaramid ti Induction of Officers ti Annak ti Cabugao iti Municipal Conference Building idi Pebrero 10, 2014.
Inyam-ammo ni Col. Expedito Sosa ti Inducting Officer nga isu ni Mayor Edgardo “Ediboy” S. Cobangbang, Jr. a nangpasapata kadagiti Opisiales daytoy nga Asosasion nga idauluan ni Retired Judge Vivencio S. Baclig, Presidente.
Dadduma a napili: Bienvenido Tan, Vice President; Wilhelmina Imperial, Secretary; Crescencio Sunico, Treasurer; ken ni Perlita Sosa, Auditor.
Nairaman pay a pinagsapata ni Mayor Ediboy dagiti baro a kameng ti Asosasion.
Iti Mensahe ni Mayor Ediboy, pinagyamananna iti pannakaawisna a mamagsapata kadagitoy nga Opisiales ket imbilangna ida nga “Ambassador” dagiti Cabugaoenios nga agaw-awid ita ditoy Cabugao para iti masungad a pannakaangay ti 7th Cabugao Global Reunion inton Pebrero 18-20, 2014 ditoy ili ti Cabugao.
Innayon ni Mayor Ediboy nga isuda dagiti bisita ti pannakabagi iti naurnong nga institusiones a makipaset iti umay a Global Reunion ken panagbisitada iti ilida. Nagyaman pay ti Ama ti Ili ta mataliaw met dagiti sumangsangpet a Balikbayan iti ili a naggapuanda.
Insupusop ti Alkalde Munisipal nga aniaman a maibinglayda a pagsayataan ti ilida ket supapakan ti Gobierno Munisipal iti pammateg, klaro ken nadalus a pakaibanagan dagitoy a nagrigrigatanda nga ibingay iti ilida a Cabugao.
Kalpasan ti Induction Ceremony, naituloy ti panagsasarita dagiti Opisiales ti Annak ti Cabugao kadagiti pakaseknanda ken dadduma pay a trataren ti Asosasionda. # (Web In-Action)
No comments:
Post a Comment