Cabugao, Ilocos Sur – Naaramid ti umuna a Flag Raising Ceremony iti sango ti kabarbaro a pasdek ti Munisipio ti ili a Cabugao, Ilocos Sur iti Disiembre 3, 2018.
Nakikaysa ken naurnos dagiti Empleado ti Munisipio a nagpartisipar kadaytoy umuna a pannakaisa wenno pannakaingato ti bandera iti baro a Flagpole ti Munisipio.
Indauluan ni Mayor Josh Edward S. Cobangbang dagiti katinnarabayna nga Opisiales-Lokal ti Ili, Department/Section Heads dagiti Opisina ti LGU ken dagiti amin a Personnel a mangbukbukel ti Pamilia-LGU Cabugao iti panagrugi ti panagtrabahoda iti umuna a lawas ti Disiembre 2018.
Kalpasan ti Flag Raising, naiyam-ammo ken nakantaan dagiti Empleado a maselebraran iti panagkasangayda iti Disiembre 2018 nga idauluan ni Mayor Josh Edward. # (Web In-Action)
No comments:
Post a Comment