Cabugao, Ilocos Sur – Naangay ti Turn-over ti maysa a Farm Machinery (Corn Harvester) ; 8 Units a Multi-purpose Farm Cultivators, Corn and Tobacco Planters a naited kadagiti Asosasion ti Mannalon ken iti Barangay kadagiti barangay ti ili a Cabugao, Ilocos Sur nga inimatangan dagiti nagatendar ken dagiti LGU Personnel a timmulong idiay Cabugao Cultural and Sports Complex, Barangay Rizal, Cabugao, Ilocos Sur iti Disiembre 7, 2018.
Dagitoy a maited a ramit ken kasapulan ket nagtaud iti pundo ti RA 7171 a mabatayan ti Gobierno Probinsial nga idauluan ni Governor Ryan Luis V. Singson.
Indauluan ni Mayor Josh Edward S. Cobangbang dagiti Opisiales ti Ili a nakitinnakunaynay kadagiti mannalon ken binayabay dagiti kameng ti Sangguniang Bayan nga isuda SBM Atty. Randy Baniaga G. Kinaud, Committee Chairman on Agriculture; SBM Danny Q. Gazmen; SBM Vicky S. Serna; SBM Dr. Jemaima S. Tan-Yee a nangiyallawat kadagitoy a ramit ken kasapulan ti agrikultura kadagiti maseknan nga umawat.
Sakbayna, naangay ti ababa a programa.
Nagsarita ni Mayor Josh Edward S. Cobangbang. Babaen kenkuana ken dagiti kakailianna ket impeksana ti pinagyamanna ken ni Governor Ryan Luis V. Singson iti naited a pagimbagan dagiti mannalon nga agmulmula ti mais ken tabako ditoy ili a Cabugao. Innayonna kadagiti maseknan a sektor a mangsagrap kadagiti maited a pagimbagan ken pagsayaatan a maipaay dagitoy ket mainayon a pagsayaatan met iti sapasap ken ti ili.
Nagsarita met ni SBM Atty. Randy Baniaga G. Kinaud, Committee Chairman on Agriculture. Anag ti Mensahena iti panagyaman; agtultuloy a panagtutunos ken nasayaat a pannakausar dagitoy a maited a para iti pannakaidur-as ti produksion ken mangitag-ay ti panagbiag dagiti kaaduan ken iti ili.
Nakikaysa met dagiti Punong Barangay ken Opisiales ti Asosasion ti Mannalon kasta metten da Mr. Edgar S. Balangatan, Project Coordinator iti nadakamat nga awarding ken kasta metten ken ni Municipal Agriculturist Robert S. Savella.
Nagpaay nga Emcee ni Farmers Federated President Modesto P. Ronque.
Kanaig daytoy, naangay ti Farmer's Summit Cluster 1 a nakabuklan dagiti ili ti
Sinait
Cabugao
San Juan
Magsingal
Sto Domingo
ken San Ildefonso idi Disiembre 6, 2018 a ditoy ti nakaiyallawatan dagiti nagduduma a Farm Equipments/Machineries a maisagut kadagiti mannalon manipud iti Provincial Government nga idauluan da Governor Ryan Luis V. Singson ken ni Vice Governor Jeremias “Jerry” C. Singson. Naaramid daytoy a Farmer's Summit iti Sto Domingo Peoples Coliseum, Sto. Domingo, Ilocos Sur. Nagatendar dagiti Opisiales ti Mannalon iti ili ti Cabugao nga indauluan ni Federated President Modesto “Moding” P. Ronque. # (Web In-Action)
No comments:
Post a Comment