Cabugao, Ilocos Sur – Babaen iti koordinasion ti Market Supervisor Office ken ti MENRO Office ti LGU Cabugao, maisaysayangkat iti nasaknap a panaglinis iti las-ud ti Tiendaan (NISTC Public Market) itoy a lawlawas sakbay ti kaaldawan ti napaut a Holiday Season 2018-2019.
Naibatad a napagnunumuan iti pannakamantener a kanayon iti uneg ken ruar iti Tiendaan. Mairaman pay a maasikaso ti sanguanan ti Food Court a daydayuen dagiti Bakasionista/Balikbayan no kastoy a napaut a Holiday Season.
Tinawen ngarud a mairaman nga inspeksionen dagiti agrebbeng dagiti paglakuan ti makan iti uneg ken ruar kas iti pagibellengan ti danum ken dagiti Comfort Rooms iti uneg ken ruar a kanayon a madalusan ken mamantener.
Dagitoy a gay-at ket pagtinnulongan dagiti pannakabagi ti Clean and Green kasta metten dagiti Personnel ti NISTC nga aramiden iti panawen kabayatan iti napaut a Holiday Season.
Dagitoy nga aksion ken inisiatiba ket mayataday iti agtultuloy a panangitandudo ti Gobierno Munisipal nga idauluan ni Mayor Josh Edward S. Cobangbang iti naan-anay a pannakamantener dagitoy a pampubliko a pasilidad tapno mapagtalinaed iti napintas a pagdalanan dagiti marketgoers ken iti sanitasion para iti sapasap. # (Web Situational Report)
No comments:
Post a Comment