Cabugao, Ilocos Sur – Naangay ti Christmas Program 2018 ti Senior Citizens’ Association iti Barangay Rizal, Cabugao, Ilocos Sur idi Disiembre 12, 2018 iti Cabugao Cultural and Sports Complex, Barangay Rizal, Cabugao, Ilocos Sur.
Sakbayna, nasapa a napan nakimisa iti Cabugao Catholic Church dagiti kameng sada nagtarus iti Sports Complex a nakaangayan ti programa ken selebrasion.
Indauluan ni Ms. Corazon Suboc dagiti nataengan ditoy a barangay a nakipartisipar kadagiti naaramid a parlor games; panagkanta ken panagsala a pinangparagsakda ti selebrasion ti Paskua 2018.
Naaramid pay iti exchange gift kadagiti kameng ken napagsasanguan iti naisagana a pangngaldaw.
Nagatendar ni Brgy. Captain Thaddeus “Teddy” U. Soller. Kinablaawanna dagiti nataengan iti gannuatda a panagselebrar iti pannakayanak ti Naindaklan a Mesias. # (Web In-Action)
No comments:
Post a Comment