ILOCOS SUR NATIONAL SURFING CHAMPIONSHIPS, NAANGAY IDIAY BARANGAY SABANG

Cabugao, Ilocos Sur – Ti “Surfing” ket mayarig iti panangpaamo iti dalluyon! kuna ti maysa a Mannaniw. Naidumduma, pabulonam a luganan ken idusen ti dadakkel a palong, kuna ti maysa nga Ilokano a Surfer.

Maaramid manen daytoy a naisalumina nga sports babaen iti panangesponsor ni Congressman  Ronald V. Singson ken ti Philippine Surfing Championship Tour ken dadduma nga sponsors ken media partners.

Naaramid ti Surfing manipud Disiembre 5, 2018 agingga iti Disiembre 10, 2018 ket napilida  iti kabaybayan ti Barangay Sabang, Cabugao, Ilocos Sur a pakaangayan iti panagsasalip. 

Imbatad ni Mayor Josh Edward S. Cobangbang ti panagyamanna babaen iti panagkunana:  “Thank you Cong. Ronald Singson, Kido Cabasug and the delegates of the Philippine Surfing Championship Tour for showcasing the beauty and potential of our municipality, Cabugao Ilocos Sur!” 🤝

Manamnama a nakipaset iti  155 registered participants manipud  iti 13 nga ili ken Probinsia daytoy a pakontes.

Kabayatanna, naan-anay met ti pannakitinnarabay dagiti kameng ti Konseho ti Barangay Sabang; Cabugao Rescue-Medics ken kasta metten  iti puersa ti Barangay Tanod/BPATS a katulongan ti Kapolisan iti pannakaaywan ti linak ken talna dagiti nagbuya. #  (Web In-Action)