Cabugao, Ilocos Sur – Indauluan ti Cabugao North Central School ken ti Cabugao South Central School iti dadduma a pageskuelaan ti Cabugao DepED District a nagselebrar ti Paskua 2018 idi Disiembre 15, 2018.
Naangay ti Christmas Program 2018 dagiti 26 a Pagadalan ti Cabugao DepED District babaen iti eskediul a sagudayen ti linteg ti DepED.
Naregget a nagpartisipar dagiti ubbing nga agad-adal kadagiti naangay a programa a tinarabay met laeng dagiti mangisursuro ken nagannak, sangaili ken Opisiales ti Barangay a pakasarakan iti pagadalan idi Disiembre 15, 2018.
Agduduma dagiti naaramid a pakontes/aktibidades ken agraman ti Parlor Games a nangparagsak kadagiti ubbing a nakaalaanda iti agduduma a premio manipud kadagiti naayat a Donors.
Ayat, panagsisinnagut, ken panagsisinninged ti bugas ti Mensahe dagiti Opisiales ti Pagadalan kadagiti amin a nakikaysaanda a panagselebrar iti pannakaipasngay ti Naindaklan a Mannubbot.
Malaksid iti Raffle Draw dagiti agkakapateg a premio, naaramid met ti Exchange Gift dagiti ubbing kadagitoy a pagadalan kasta metten kadagiti dadduma a pageskuelaan a mangipasimudaag iti panangpangayed ita iti Paskua 2018. # (Web In-Action)
No comments:
Post a Comment