PIESTA 2018 TI BARANGAY BACLIG, NASELEBRARAN

Cabugao, Ilocos Sur – Tinawen a maselselebraran ti Panagpiesta ti Barangay Baclig, Cabugao, Ilocos Sur iti bulan ti Disiembre  kas pagyamanda kadagiti agtultuloy a parabur ti Dios a sagsagrapen dagiti lumugar ken panangpatibkerda metten iti panagsisinningedda nga agkakalugaran, agkakabagian ken kadagiti bisitada a makipiesta iti barangay-da.

Naselebraran ita ti Barangay Baclig Fiesta manipud iti Nobiembre 30, 2018 agingga iti Disiembre 16, 2018.

Idi Disiembre 15, 2018, naangay ti Rambak Misa ti Panagpiesta ti Barangay Baclig 2018.  Naigiddan ti panagrambak ti pannakailagip ken ni Bannuar Apo Eustaquio Baclig a nakaigapuan ti pannakapanagan ti Barangay Baclig a kas barangay.  

Dagiti  Schedule ti Barangay Baclig Fiesta 2018:

November 30, 2018-December 15, 2018 – Basketball Tournament ken Volleyball Tournament.
December 13, 2018 –Bingo sa Barangay ken  Singing Contest.
December 14 – Miss Calendar Gay Quest 2018.
December 15, 2018 (Morning) – Barangay Mass ken Hermana Mayor.
December 15, 2018 (Evening) _ SK Night (Fashion Show ken Raffle)
December 16, 2018 – Free Haircut ti bigat ken Barangay Coronation Night ti Miss Calendar Gay Quest 2018 iti karabiyanna.

Iti panagpiesta ti nadakamat a barangay, pinaragsak iti pannakapadayaw ti 15 nga Official Candidates ti Miss Calendar Gay
Quest 2018 iti karabiyan ti December 16, 2018 iti Barangay Plaza. Naaramid pay ti Raffle.

Iti Coronation Night, inimatangan dagiti Opisiales ti ili nga indauluan ni Mayor Josh Edward S. Cobangbang ken  binayabay dagiti Opisiales ti Ili ken Barangay nga idauluan ni ABC President Thaddeus “Teddy” U. Soller iti pannakapadayaw dagitoy a kandidata.  Nakipaset met kadaytoy a selebrasion ti panagpiesta iti barangay da Former Mayor Edgardo “Ediboy”  S. Cobangbang, Jr. ken ni  Mr. Jeremy A. Seguban, Jr.

Indauluan ni Mayor Josh Edward dagiti Opisiales a nangited iti kablaawda ken Mensaheda maipapan iti panagselebrar dagiti bumarangay iti piesta iti Barangay Baclig ita a Tawen 2018.

Agdama ita nga idauluan ni Brgy. Captain Michael Angelo B. Sarmiento ti Barangay Baclig, Cabugao, Ilocos Sur.  # (Web In-Action)