Cabugao, Ilocos Sur – Narambak ti panagselebrar dagiti umili ti Cabugao, Ilocos Sur iti Paskua 2018 partikular dagiti Aldaw ti Disiembre 24 ken 25, 2018 a kangrunaan a maselselebraran babaen iti sapasap a panagrambak iti nagduduma nga aktibidades a kas iti panag-reunion, panagtitipon/panagiinniliw dagiti agkakabagian, panagpasiar iti sabali a lugar, panagpiknik kadagiti beaches ken resorts iti ili ken dadduma pay a kaarngina a situasion a mangipaduyakyak iti nadigem a panangselebrar ti tradision ti Paskua a pannakaipasngay ti Mannubbot ti Sangkataw-an.
Idi malem ti Disiembre 21, 2018, narambakan ti Christmas Program ti Pamilia-LGU ti Cabugao babaen iti panaglalanglang dagiti empleado ken Opisiales ti Gobierno Munisipal nga idauluan ni Mayor Josh Edward S. Cobangbang
Kabayatanna, iti “Rambak Kaaldawan Paskua” iti Disiembre 25 nga inggannuat ti Cabugao Catholic Church ket nakulminar babaen iti “Misa Rabii” (Midnight Mass) babaen iti panangidaulo dagiti kameng ti Church Council ken pakairamanan ti LGU-Cabugao.
Kanaig daytoy, maibatay kadagiti agay-aywan iti linak ken talna nga awan ti nakana unay a napaspasamak kadagiti barangay ken iti Poblasion ket natalinaay ken naragsak ti panagselebrar iti Paskua 2018 iti intero a Munisipalidad ti Cabugao. # (Web Situational Report)
No comments:
Post a Comment