Cabugao, Ilocos Sur – Naluktan ti Mayor Josh Palarong Pamasko 2018 Volleyball Tournament idi Disiembre 19, 2018 iti Cabugao Cultural and Sports Complex, Brgy. Rizal, Cabugao, Ilocos Sur.
Buklen ti innem a Volleyball Team iti agsasalip a pakabuklan dagiti agad-adal a babbai iti Sekundaria dagiti Players nga agtawen manipud 13 agingga iti 16. Naruay ti nagbuya kadaytoy umuna a paay-ayam. Ni Mr. Genaro Solmerin, Mangisursuro ken Taga- Barangay Salapasap, Cabugao, Ilocos Sur ti nagpaay a Referee ken Opisial isuna iti paay-ayam a baybayabayen dagiti kakaduana a magisursuro nga adda pamalpalatpatanna iti volleyball nga sports iti ili.
Kabayatanna, naruay met ti mapan agbuybuya kadagiti maaramid a panagsalip dagiti Team iti benneg ti basketball a pakabuklan ti 10 a Team iti Elementaria ken 6 a Team iti Sekundaria kadagiti eskediul iti ay-ayamda a maar-aramid iti Sports Complex. Agpaut ti paay-ayam ti Mayor Josh Palarong Pamasko 2018 manipud Disiembre 1 agingga iti Disiembre 30, 2018. # (Web In-Action)
No comments:
Post a Comment