Monday, December 3, 2018

MAYOR JOSH “PALARONG PAMASKO 2018” NAIRUBUAT!

Cabugao, Ilocos Sur – Ti paay-ayam iti Basketball ken Volleyball ti maysa kadagiti mang-highlight ti panagkasangay ni Mayor Josh Edward S. Cobangbang iti Cabugao, Ilocos Sur idi Disiembre 1, 2018 ket nakipaset dagiti Players iti nadumaduma nga institusion/sektor  tapno adda  iti pakakumikoman  dagiti agad-adal iti pannakaasa ti kabaelanda iti sports tapno agbalinda a produktiboda  iti atiddog a  bakasionda iti panawen ti Paskua.
    

Dagiti mapagsasalipan nga ay-ayam ket  iti  basketball (secondary ken elementary), volleyball (secondary) agraman dadduma nga event.

Immuna a naaramid ti Parada iti aglikmut iti Poblasion sa naaramid ti Opening Program ti Mayor Josh Palarong Pamasko 2018 iti Cabugao Cultural and Sports Complex, Barangay Rizal, Cabugao, Ilocos Sur.

Iti Opening Program, nagsarita ni SK Federated President Marc Russel Morales. Anag ti Mensahena iti maipapan iti Sportsmanship ken panagadal babaen iti sports.

Naaramid dagiti Intermission Number a nangpadaeg ti selebrasion nga inaramid dagiti kameng ti CSCS Choir ken ti  Pug-os NHS Dancers.


Inlawlawag met ni Mr. Ronel M. Ubaldo, MAPEH Coordinator iti Cabugao DepED District iti annuroten ti salip ken dadduma pay a mainaig iti pagalagadan ti paay-ayam.
    
Nangipaay ni Mayor Josh Edward S. Cobangbang ti Mensahena iti daytoy a pannakairubuat ti pasalip iti panagkasangayna. Nagyaman iti sapasap iti suportada iti pannakaigannuat daytoy a paliga kabayatan nga agbakasion dagiti agad-adal ken pangkulminar iti selebrasion ti panagkasangayna.

Ni Mayor Josh Edward ti nangaramid  iti ceremonial toss iti pormal a panagrugi ti nadakamat a paay-ayam a napauluan iti “Mayor Josh Palarong Pamasko 2018”. Immuna a nagaayam ti Team Patriot ken Team Bonicab Builders.
    
Paset ti programa ti Gobierno Munisipal iti panangidaulo ni Mayor Josh Edward  iti pannakigamulo dagiti patron wenno sponsor  iti paay-ayam ken  pannakaikintal ti pateg ti  isports iti panunot dagiti agtutubo tapno  maasada  ken maparang-ay ti kaammuanda  ken teknik ti naballigi nga umaayam a mangted pay iti nayon a panagtalek ti bagi ken kabaelanda  a makikompetensia iti aniaman a tay-ak ti salip.
Bimmayabay  da  SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy Baniaga G. Kinaud; SBM Josefina S. Vallejo ken ABC President Thaddeus U. Soller.
Nagpaay nga Emcee ni Mr. Gilbert Asuncion, Head Teacher ti Sagayaden Elementary School.  # (Web In-Act#  (Web In-Action) 

No comments:

Post a Comment