RURAL BASED-ORGANIZATIONS TI CABUGAO, AGSELEBRARDA TI PASKUA 2018

Cabugao, Ilocos Sur  – Nakaeskediul iti pannakaangay ti Christmas Party and Celebration dagiti   Rural Based Organizations (RBOs) a pakabuklan dagiti Asosasion iti salinong ti Federated Farmers, NGOs ken RIC iti ili a Cabugao, Ilocos Sur  iti kalawasan ti  Disiembre 2018  iti ili a Cabugao, Ilocos Sur.

Maangay met ti panagselebrar dagiti 4 Ps Association kadagiti barangay babaen iti Clustering a sistema nga atendaran dagiti Kameng ken Opisiales ken tarabayen dagiti pannakabagi ti Municipal Link-Cabugao.

Maaramid  dagiti aktibidades a pangparagsakda  iti selebrasion  a  kas iti exchange gift; intermission number ken Raffle Draw.

Kabayatanna, iti kastoy a wagas ket maikkan met dagiti asosasion iti panawen a makikaysa kadagiti padada nga asosasion wenno kamiembruanda tapno mapabaro ti panaglalangenda ken mapatibker ti panagkaykaysada a tumulong iti panagdur-as ti sapasap. # (Web In-Action)