Sunday, January 13, 2013

FLOOD CONTROL TI BRGY. BACLIG, NAIRINGPAS

Cabugao, Ilocos Sur – Nairingpas ti Flood Control a proteksion ti pangpang ti Karayan Cabugao  iti baba ti akin-abagatan nga ungto ti Osmena Bridge  a masakupan ti Barangay Baclig, Cabugao, Ilocos Sur  nga idauluan ni Brgy. Captain Ely S. Savella.

Iti pannaki-amad ti Web In-Action iti Enero 12, 2013, impeksa ni Kapitan Ely S. Savella ti panagyamanna agraman kadagiti kalugaranna ta pakaidayawanda met iti pannakaipan daytoy a proyekto iti  batog  ti lote ti Munisipio a nakaipatakderan ken pakaar-aramidan dagiti pasdek ken opisina ti LGU a manamnama nga mapagbalin nga agricultural hub ti Munisipalidad. 

Pinagyamanan pay ti Ama ti Barangay  ni Congressman Ryan Luis V. Singson, First District, Ilocos Sur ken  ti panangilungalong  ti LGU-Cabugao  iti liderato ni Mayor Edgardo “Ediboy” S. Cobangbang, Jr. iti pannakaaramid   daytoy a proyekto. # (Web In-Action)

No comments:

Post a Comment