Monday, January 7, 2013

TASK FORCE NISTC, MAKAPNEK TI GAPUANANNA ITI AGDAMA


Cabugao, Ilocos Sur – Iti pannaki-amad ti Web In-Action iti Enero 7, 2013, imbatad ni Engr. Nestor Somera, pangulo ti Task Force NISTC  a dakkel met ti nagapuananda iti kallabes a tawen ken manmantenerenda dagitoy agingga iti agdama.

Impaneknek dagiti kaaduan a Marketgoers, adda puestona iti tiendaan, security personnel ken komersiante a rummuar-sumrek iti NISTC a namimpinsan a napagsardengen   dagiti pickpocketers ken awanen ti mapukpukawan ti lakona  iti uneg ti tiendaan.

Kanaig daytoy, namantener ti kinadalus ti uneg ken ruar ti NISTC gapu iti alibtak a panagtignay dagiti mangmanmantener ti panagdaldalus a Personnel ti LGU iti tiendaan. Innayon dagiti napagdamagan a naurnos pay ti panagserrek-panagruar  luglugan kasta met iti panagparkingan ti tricycle ken single motor.

Dagitoy a panagbalbaliw ket resulta dagiti estratehia ti Task Force NISTC Personnel a nangkomplementar iti pannakaipakat dagiti sinaguday   dagiti direktiba ni Mayor Edgardo “Ediboy” S. Cobangbang, Jr. iti pannakapasayaat dagiti pasilidades ti  tiendaan ken pannakatarabay dagiti umili a nagnangruna a  makausar iti inaldaw a panagoperar  ti tiendaan. # (Web Situational Report)

No comments:

Post a Comment