Wednesday, January 23, 2013

FLOURESCENT LIGHTS, NAINSTOLAR ITI PAGIKARGAAN TI NATENG

Cabugao, Ilocos Sur – Manamnama a maparegta pay dagiti agnegnegosio  ti nateng ta addan sangsangkadisso a pagyananda ken uray masipngetanda nga agidiskarga/agipalugan ti nateng ket addan mausarda a pagsilawan babaen ti pannakainstolar ti tallo a units ti  Flourescent Lights  kadagiti Tents a paglinonganda.

Iti pannaki-amad ti Web In-Action iti Enero 23, 2013, imbatad ni Mr. Edgar S. Balangatan ti LGU-Cabugao  a natudingan ti grupoda a nanginstolar kadagitoy a pagsilawan a mangtulong kadagiti Vegetable Growers/Traders nga agestimar  ken agipakarga ti maibiahe a natengda iti aniaman nga oras iti igid ti National Highway.


Paset daytoy ti direktiba ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a panangtulong kadagiti Vegetable Growers/Trader  ta kapigsa ita ti produksion ti nateng kadagiti barangay a  maibilang a Vegetable Bowl iti ili nga idauluan ti Barangay Salapasap.


Innayon ni Mr. Balangatan a tumulong ti grupona iti asosasion iti pannakamantener ti panagdaldalus iti aglawlaw ti pagikargaan ti nateng tapno agtultuloy a mamantener ti napintas a buya ken sanitasion para iti sapasap a maseknan. # (Web Situational Report)



No comments:

Post a Comment