PANAGDALUS ITI LAWLAW TI BRGY. BACLIG, INYUNA TI 4 P’s

Cabugao, Ilocos Sur – Naangay ti panagdalus ti sektor ti P’s kangrunaan dagiti nainayon a kameng a tinarabay dagiti lumugar ken Opisiales ti Barangay nga idauluan ni Brgy. Captain Ely S. Savella iti Enero 12, 2013.

Nagtitinnulong dagiti nagdalus a nangipakni kadagiti wara kadagiti igid ti kalsada ken iti uneg ti Tree Park a masarakan iti ampir ti Karayan Cabugao. Inwardas da Kagawad Armando Azcueta, Kagawad Mario Morales, ken Kagawad Arnel Ilar dagiti nagdalus iti Tree Park.

Malaksid iti panangtulongda ti pannakaibelleng ti basura kadagiti balbalay, nadarasda a maipakni dagiti ruot ken wara a maurnongda ta adda ti Garbage Truck-da (Elf) nga usarenda a mangibelleng kadagiti ruotda. 

Ti assideg a panagdalusda ket paset pay  iti pannakigamuloda iti programa ti LGU-Cabugao  a Clean and Green ken Solid Waste Management tapno agtultuloy a napintas a mabuya ti aglawlaw ken gubuayenna ti nadalus a pagnaedan  ken nasalun-at nga umili. # (Web In-Action)