Thursday, August 15, 2013

HYBRID RICE TI RAINFED AREA, NABALLIGI

Cabugao, Ilocos Sur – Iti pannaki-amad ti Web In-Action idi Agosto 14, 2013, imbatad ni Mr. Obas Bill Y. Baclig, AT nga adu ti nagraep ita ti Hybrid Rice Seeds gapu iti panagballigi ni Mr.  Leandro Castro iti napalabas a panagtalon (Wet Season 2012)   a nakaapitanna iti 7 Tonelada iti maysa ektaria a tinalonna.


Nupay adda koma  irigasion ti kasapulan ti Hybrid Rice, pagimbaganna met ti kaadda ti makinaria a mausar iti regular a pannakapadanum dagiti mula a pagay. 

Iti Brgy. Reppa-ac, 5.5  ektaria ti naraepan ti Hybrid, 3.5 ti Nagsantaan, 1 ektaria ti Brgy. Bato ken 1 ektaria iti Brgy. Bungro. Dagitoy a disso ti natalon ket masakupan a barangay a destino ni Mr. Baclig a pakairamanan ti Barangay Rice-Based Farming iti Brgy. Bungro ken  Brgy. Pug-os a proyekto ti nagkammayet nga LGU-Cabugao, Philrice, ken DA-RFU 1 kasta met ti  Brgy. Reppa-ac a pakaisaysayangkatan ti Farmers Field School (FFS) a proyekto ti LGU-Cabugao ken ti DA-RFU 1.

Dagitoy nga aksion ken inisiatiba ket bunga ti napintas a “partnership” ti LGU-Cabugao kadagiti sanga ti DA tapno maipaayan iti maikanatad a programa para iti nadur-as a panagtalon dagiti umili ti Cabugao, Ilocos Sur. # (Web In-Action) 


No comments:

Post a Comment