Wednesday, August 14, 2013

NAGMITING DAGITI BNS PARA ITI NUTRISION

Cabugao, Ilocos Sur – Iti pannakiuman ti Web In-Action idi Agosto 13, 2013, imbatad ni Municipal Nutrition Action Officer Joenah G. Sevilleja a nagmiting dagiti Barangay Nutrition Scholars iti intero a Munisipalidad iti nabiit  ta ipagten gda iti amin a reportda a pakaseknan ti Nutrision iti Municipal Level a maisubmiter  iti Provincial Level ken Regional Level tapno adda madadaan a pagbasaranda kadagiti maiwayat a programa kadaytoy a sektor ti serbisio.


Innayon ni Mrs. Sevilleja nga aktibo dagiti BNS a mangan-annong iti pagrebbenganda iti barangay ken panagatendarda kadagiti maiwayat nga aktibidad iti Probinsia.

Dagitoy nga aksion ken inisiatiba ket bunga ti natimpuyog a panagkakammayet dagiti Opisina, Ahensia ken ti barangay iti LGU-Cabugao nga idauluan ni Mayor Edgardo “Ediboy” S. Cobangbang, Jr. iti naregget a pannakaipatungpal ti Nutrition Program iti Munisipalidad ti Cabugao. # (Web In-Action)

No comments:

Post a Comment