Cabugao, Ilocos Sur – Iti panakiuman ti Web In-Action idi Agosto 14, 2013, imbatad ni Mr. Obas Bill Y. Baclig, Caretaker ti singin a Greenhouse ti Munisipio a maisensentro ita ti baro a teknolohia ti panagmula ti nadumaduma ti klasena a nateng (all-season ken off-season type) iti Greenhouse nga inted ti HVCDP, DA-RFU 1 babaen ti panangilungalong ni Regional Coordinator Angel Padilla ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno manayonan ti masapulan dagiti mannalon babaen iti panagpatanorda ti cash crops a mayataday iti klima ken klase ti daga ditoy a Munisipalidad.
Innayon ni Mr. Baclig a patinayon nga as-asikasuenda dagiti naimulada iti Greenhouse tapno adda masagsagana a kitaen dagiti mannalon nga interesado a mangtulad ken mangipakat dagiti kabaruanan a wagas ti panagmula ti nateng. # (Web In-Action)
No comments:
Post a Comment